روايه غصب عني انواع البنات والعبط والاستهبال والأكشن والاستهتار / كآمله

غصب عني اول روايه لي

للامانه منقوله الروايه للكاتبه شوق المشتاق

وانا كتبتها لمجرد الضحك والوناسه يعني ماحطيت فيها مأسي ولا احزان واغلب احداثها اكشن وهي تتكلم عن البنات وخبال البنات وهبالهم وتهورهم وعبطهم ومشاكلهم البنات اللي ماعندهم مبالاه ابداً فاااااااااااالينها على الاخر
الروايه واقعيه خياليه وانتو تحكمون عليها اغلب احداث الروايه في البيت وبعيده عن المحيط الخارجي اجتماعيه عائليه والشخصيات متنوعه من كل الاعمار شباب بنات شيبان بزران امهات وابوان وعمان وخوال
تروا الروايه على لسان البطله .....ليلى..... وانا الكاتبه شوق المشتاق بشاركها في الوقت المناسب
واتمنى من كل قلبي تعجبكم
وفي الاخير انا بشر اخطي واصيب
كلمه للبطله ليلى ........
هاذي انا ليلوه الروايه كلها تتكلم عني وعن مشاكلي اللي تصير غصب عني يعني اذا غلطانا كلنا ياشله وناسه انا اليل التورط فيها غصب عني
اخليكم مع الروايه
.... غصب عني...... الجزء الاول

 ........ قصتي مع طلال.............
الفصل الاول

هاذي انا ليلى الملقبه بليلوه المطفوقه
اسمي : ليلى فهد خالد النايف
اناعمري 22
احب الافلام الهنديه مووووت معروف عني اذا اطالع فيلم هندي لو يحترق البيت ما دريت عنه .
واحب البلايستيشن مووووووووووت.
واحب اكتب شعر نادر.
اما هوايتي حب الاستطلاع والمغامره واحب الحريه موووت .
مستواي الدراسي جيد.
اعز صديقاتي مهى بنت عمي نايف وهي في نفس الوقت بنت خالتي هيا وهي في نفس عمري ونفس افكاري يعني نسخه مني تقرياً وحتى في الطول نفسي اما الوزن في المشمش تصير نفسي دبه وزنها 73.
وشيخه بنت عمي سلطان وهي دفشه الى ابعد الحدود ودبه بس احبها
وخالتي منار وهي اكبر مني بسنتين نحيييييفه شوي وتموت عجزت كل الوصفات تمتنها يعني اذاشفتوها تعطونها ريال صدقه .
ومنى صديقتي من ايام الابتدئيه .
وعندي 6 اعمام وعمه وترتيبهم بالكبير. سلطان ,نايف ,ناصر ابوي ,فيصل ,ساره , وليد ,جاسم .
وعندي 4 خوال و3 خالات وهم بالكبر .سلمان,خالد,هيا, العنود اللي هي امي , محمد, مشاعل ,مشعل , منار.السلمان
اكثر اللي مسبب لي اذاى خلود اخوي و خالتي هيا.
اما شكلي
عادي يعني عيوني وسط سود لها هدب كثيف وحواجي سود حلوه وجهي دائري شعري شبه ناعم اسود صابغته بني مع ميش وطوله نص ظهري وقصته شيقر دى جسمي حلو طولي 166 سم ووزني 67 .
عندي اختين
ندوي عمرها 20 سنه احس انها في بعض الاحيان رومنسيه بعد كل فليم هندي تشوفه
ونفس طولي ووزني تقرياُ وسمرا وماتحب الا الحلوين اما اشيان مادانيهم يعني لو انا جيكره كان تبرت مني .
وريم 18 سنه . نذله الى ابعد الحدود تحب نفسها موووووووووووت شخصيتها قويه .
و ناصر 8 سنوات مايعر ينطق س= ث والز=ذ دلخ موووت غبي مررررره.
والعدو اللدود خلود 21 سنه يبي يصير شخصيه بأي طريقه دايم راز وجهه في كل شي وبذات في المشاكل يحبها مووووت ويكبرها.

...............( تعريف العائله).............

جدي خالد طويل ومملوح وعنده جاذبيه انسان طيب الى ابعد الحدود متسامح مايحب المشاكل وماعنده مشكله في الحياه وعنده قروب شركات منوعه كل واحد من اعمامي ماسك شركه

وجدتي شيخه كانت احلى البنات في عصرهم
بنت عم جدي وكان بينهم قصه حب" اعتقد" انسانه عاديه مثل أي ام او أي جده

.............(عائله عمي سلطان)..........
سلطان يتصنع الثقل بس في الطبيعه نسخه من شيخوه طيب وقرارته ما تغير وتتنفذ مهما كانت وماسك شركه استيراد وتصدير
حصه زوجته ام مثاليه وتحب الترتيب ومخليه عيالها على راحتهم
خالد 32 دكتور قلب يشتغل في مستشفى خاص طويل ورزه واسمر شوي متزوج الهنوف بنت خاله هاذي حلوه مره وحبوبه ودمها خفيف وعنده بنتين شهد 6سنوات و جوري سنتين
جواهر 29 سنه مدرسه علوم متزوجه ولد خالها براهيم وطولها حلو وبيضاء مره كنها سوريه وعيونها ناعسه وفالتها ماتهتم في شي وعيالها حمد4سنوات سلطان سنتين
يوسف 27سنه متين شوي وثقيل كنه عمي وليد وهو صديقه بعد و عنده عقده من الزواج بعد قصه حب فاشله دارس في لندن وتوه جاي صارله سنه ويشتغل مع ابوي
راشد 26 سنه انسان مطفوق شوي مملوح وعليه طلعات وصديق طلال وفواز مايفترقون ابدا احلى مافيه شعره جنن ومتوضف بلأسم وحلمه ياخذ تقاعد ورافض الزاواج الا بقصه حب
خلود 25سنه تشتغل دكتوره اطفال و متزوجه عبد الرحمن ولد خالتها طويله وسمرا شوي وشعرها الى كتفها ولونه بني شكلها حلو يعني نااااعمه عكس تصرفاتها فاااااالته على الاخر
عبدالله وعبد العزيز 23 توئم يحبون الرياضه متخرجين من الجامعه اداره اعمال ويشتغلون مع ابوهم نفس بعض صعب نفرق بينهم ويميزهم جمال عيونهم وكبرها
تركي 22 توه يدرس ويقول بدرس طول عمري انسان شرير ويحب المشاكل وجذاب جداااً مغازلجي وصديق مشعل بن نايف وخالد بن فهد
شيخه 21سنه سنه الثالث من الجامعه تدرس عشان خاطر امها بس حتى قسمها ناسيته و دفشه الى ابعد الحدود وعندها لا مبالاه واذا فكرت بعمق تستغرق دقيقه ثم ترتكب جريمه وتشبه ابوها طويله ومليانه شوي وشعرها لتحت الكتف ملامحها غامضه توقعو منها أي شي مرحه وفي المصايب ما تخاف والاشيا التافه تموت من الخوف
نوره20 سنه تدرس ادب انقليزي مثقفه مثاليه نفس امها وتقط حكم واحينا تصير مطوعه وتموت في الذكريات شعرها اسود طويل الا اخر ظهرها ونااااااعم وعيونها ناعسه سود كنها هنديه
فهد 19سنه توه ثالث ثانوي مع رايد اخوه يحب السيارت ويموت في الشوارع مايحب البيت ونحييييف مره
رايد 18سنه رياضي يلعب مع الناشيئين في نادي السد ونحيف وهو واخوه فهد كنهم توئم مع بعض دايماً
عهود16سنه اولى ثانوي تحب الرسم ونحيفه مره وطويله وعندها لا مبالاه وذكيييييه موت
ونجود 15سنه دلوعه ومليانه و بيضااااااا وتحب السباحه كنها سمكه وشريه تشبه تركي
سلمان 14سنه هاذ لوتطلب منه يرسم خريطه قطر رسمها وهو مغمض يعني هاااااااااااااااااااااااااايت طوله عادي وجسمه حلو
ودانا 12سنه هاديه وتحب كوره القدم وريااااااااااااااااااانيه
مي 7 سنوات
ورامي 4 سنوات يحب الكلام 24 ساعه يتكلم
نص 2 وجوده مثل عدمه يعني دجاجه

................(عائله عمي نايف)..............
نايف سيده ما يحب الاستهبال والاشياء اللي مالها داعي ويبتسم في المناسبات وماسك شركه سيارات
متزوج من هيا خالتي دعله ودايم تشيش امي علي سيده وماتحب الحال المايل على قولتها
خالد 26 سنه هايت ويشوف ان الزواج عقده يعني شبه داشر ويشتغل مع ابوه شعره نااااااااااااااااااااااعم اسود وابيض وعيونه مسحوبه كنه ياباني وانا اللي شبهته
فواز 25سنه حلو شوي ويموت في الكلام يمشي ويحش عليه رزه عجيبه وصديق طلال وراشد موووت
نواف 23 سنه حلو موت يشبه الفنان الهندي هارثك وتصرفاته دايم تعجب الكبار وحبوب وحنون جداً وهو اكثر واحد يحبونه خواته سيده كنه امه وابوه مخلص الجامعه ويدرس ارت خاص يعني جايب مدرسين خاصين
مها22سنه شبه شخصيتي بس هي تفكر بعمق وعندها تطلعات للمستقبل تحب السواقه مووووت وامنيتها تشتري سياره انفنتي 360 بس في المشمش
مشعل 21سنه مفحط كبير واسألو عن النقيان ومشكلجي وشعاره في الحيا (فلها وربك يحلها ) يدرس ادب انقليزي
هنادي 20سنه نعومه وحلوه كنها عارضه ازياء وهاااااااااديه وتحب الرسم تدرس طب وتشبه ناتاشا الهنديه
امجاد 15 سنه دلوعه ومايعه مسويه نفسها بيبي بس مشكلتها انها طويله
عبير 14سنه هاذي عندها مشكله مع الغشوه ومشكلجيه واول ظحاياها سلمان وريان
ريان 9 سنوات نسخه مصغره من اخوه خالد واخر كشخه
مرام 6سنوات

................(عائله عمي ناصر)................
ناصر حلو ووسيم وجذاب واهو احلى اخوانه ونسخه من جدي ما يحب المشاكل وحبوب واجتماعي وصديق كل العايله ودمه خفيف وماسك شركت جدي اللي في فرنسا وعايش في فرنسا ودارس علم نفس وكان دكتور في الجامعه في فرنسا من تزوج وهو هناك ما يجي إلا في الاجازات هو واهله
زوجته نوره حلوه ومثقفه ودكتوره في الجامعه وتحب طلال ولدها موت لأن ماعندها غيره لأنها صارت لها مشكله بعد ولادته ويقولون انها طيبه مع اني اشوف انها شريره معي
طلال 24 سنه خلص دراسته ومتوضف مع ابوه بلأسم وجميل وحلو نسخه من ابوه يعني حلو مووووت فيه شبه من فزاع ودلوع شايف نفسه شوي واخر كشخه ويحب الموضه ومعجب كل البنات إلا انا مادانيه بدون سبب

........................(عائلتي).................. .....
ابوي فهد مسوي نفسه قدامنا مثالي وملاك بس جدي فاضحه هادي احيانا متفهم ومرح شوي وسيم وماسك شركه سياحه
امي العنود كانت مدرسه فنيه واستقالت بعد ماجابت نصور ورورمنسيه وتتئثر بخالتي هيا بشكل كبير ومدشره العايله ماتسأل عنى حتى لو نغيب عن البيت يومين
انا شخصيتي عرفتوها
خالد 21 سنه يدرس غصب وخاطره يتوضف وسيم ويحب المشاكل ويقلون انه طيب والله مدري رياني حتى الموت وجهه مغسول بمرق وصديق مشعل و تركي ونفسه يتزوج
ندى 20سنه تشبه امي وتحب الكشخه يعني ممكن تحط مكياج وهي رايحه ترقد وتحب المسلسلات المكسيكيه عشان قصص الحب اللي فيها لا وتعرف اساميهم وفضيحه ما تعترف بشي اسمه سر ولا تعرف الحيا
ريم 18سنه وجه ابن فهره ماتستحي وعنيفه وما يضيع لها حق ومصيطره على البنات اللي اصغر منها بس ملاك حلوه تشبه الفنانه الجديده شهد
ناصر 8 سنوات عنده ربو واطرم ودلخ ويدربي راسه

.............(عائله عمي فيصل)..............
فيصل مملوح و هادي حنون وطيب ورحوم ويحب الرسم يعني فنان تشكيلي وعنده معارض يموت في بناته ومايحب احد يقولهم شي ويشتغل مع جدي في نفس الشركه وزوجته نجلاء البنت الوحيده في عائلتها مايعه دلووووووووووووووووووعه ورومنسيه وتعرف كل صالونات الدوحه ونواديها وحلوه وكن عمرها 18 ولا يفوتها مناسبه حتى الموئتمرات تروح لها وماخذه الشهاده ديكور ومطفره عمي فيصل من كثر ماتروح للآسواق
لمياء18سنه نسخه من امها ماااااااايعه قبل تمشي معي نااااعمه وملامحها هاديه ولوكها اجنبي شعرها اصفر ودايم تلبس عدسات زرقا وبيضاء تحب شعرها دايم يكون كيرلي
مشاعل 11 سنه طيبه ورقيقه يعني نفس لمياء
امل عمرها 10سنوات دلوعه بس شريره وعينها قويه
خالد 4 سنوات دبدوب يعني كوره

..........(عمتي ساره).............
ساره شخصيتها تشبه شخصيه عمي فيصل متزوجه من خليفه ولد عمها ودايم مسافره بحكم ان زوجها دبلماسي ما نشوفها إلا في المناسبات
وعيالها
محمد 15سنه هاذا عليه تدقيق لو يحطونه في التفتيش مستحيل تصير عمليات تهريب ونحيييييف موت
خالد 13سنه مشااااااااااااااكس بس مؤدب
منال 10سنه هاديه و نمامه اذا احد عطاها وجه
غدير5سنوات

............(عمي وليد)............
وليد 27 سنه نسخه من نايف بس نايف يهون عنده نقود معقد ومملوح شوي وصديق يوسف ولد سلطان ومتزوج دلال 25 سنه بنت خاله وهي توها تدرس تصميم ازياء ويمووووت فيها
خالد 4سنوات
وريماس 2سنوات

.....(عمي جاسم).....
24 سنه متقلب وغامض وماخذ في نفسه مقلب على باله حلو بس الي محليه اهتمامه في نفسه وتوه يدرس مع خلود اخوي و يدرس كمبيوتر ودلوع مره بما انه اخر العنقود

ساكنين في بيت يجمعه حوش كبيير ويابيوت اعمامي وجدي وفيه الحوش مسبح عند بيت عمي سلطان وعندنا دوار في الوسط يعني الحوش كنه شارع يعني اذا طلعنا لازم عبايه وعندنا مجالس رئيسيه غير المجالس اللي في البيوت وبيت جدي 3 ادوار اول واحد فيه جدي وجدتي وكنه منتزه كل العايله فيه والثاني فيه وليد في نصه وجاسم وجاسم جناح والباقي محتلينه يالبنات والدور الثالث ساكن فيه عمي فيصل المهم
مره كنت ويا بنات عمي نايف مهوي ويا هنوده نلعب بليستيشن في بيت جدي لآن بيت جدي مافيه احد نتغطى منه مافيه الا عمي جاسم وعمي وليد وعياله كلهم صغار وفيصل ماعند الاولد صغير و3 بنات المهم .ننتظر فليم هندي ونسولف عن المستقبل وعن ولد عمي الدلوع طلال والمزيون من سعيده الحظ اللي بيتزوجها وشلون تتعامل معه وهوطول حياته عايش في فرنسا و دلووووع موت لآنه وحيد مه وابوه.
المهم بدا الفليم وبعد فتره وفي غمرة اندماجي مع الفليم والدمووو وووع والكلنكس حولي والعيون حمر الا وادفشه الدبيه مهوي كابه علي صطل ماي ( اعنبو دارها الناس اذا جاو يمزحون يكبون قلاص ماي وهاذي صطل لا وبارد موووت) و تضرب معي الفيوز واجيب جيك ماي بارد وفيه ثلج و وراها من غرفة الضيوف الى الصاله الارضيه حقت جدي وكانت جدتي من سدحه في الصاله وتنط مهوي من فوقها واجي انا واطا رجله وتقعد تصارخ اذلفو لبيوتكم والله لا قول لبوانكم الوحده عجوز وتناقز لو كم متزوجين كان عيالكم يتبعونكم (الله اعلم من العجوز) انحاشت مهوي للصاله الثانيه وسكرت البا وتمت ماسكته شوي وتنحاش مني للأصنصير
وحصلت الا صنصير بتسكر والركض بكل ماعندي من قوه وادخل يدي قبل واكب جيك الماي و الثلج وادخل ويتسكر الاصنصير بسرعه واطالع الا وووواي اصيح واصيح واصارخ اللي في الاصنصير طلع طلال شكلي غلط كلي ماي وشعري لابق على وجهي ولابسه قلابيه كحيانه الشغاله اكشخ مني . وهو مايدري شي سوي واصيح بصوت عالي وهو يهديني وما تبطل الاصنصير الا وكل العائله عند الباب عماني وعيالهم كانو مجتمعين عند جدي فوق وكانو عند الباب واول ماتبطل باب الاصنصيرطلع طلال بسرعه شكله كان خايف
(ذابحته الرقه لهدرجه شكلي يخوف) وانا في الاصنصير اضغط بسرعه وعيال عماني (ماذلفو)واضغط واضغط كل اصبع على زرار ويدي مليانه ماي
(الحمد الله ماشفطني الكهرب)

ويحترق الاصنصير وانحاش بسرعه واصقع جدي لا طايح واروح وانزل مع الدرج والقا البنات كلهم يضحكون وبدون مقدمات دزيت مهوي لاطايحه عندهم وترجع مسرعه"طبعا مهوي كانت تدري ان طلال في الاصنصير" كل هاذ والي يشتم والي يصارخ وانا مسويه نفسي خايفه وتعبانه وحالتي حاله ياحراااااااام علشان محد يقولي شي والمسكين طلال جدي مكلمه قايله تعال فوق البنات موبهناه لن جدي يدري اذكان فيه فليم هندي موب شايفنا حتى لو مدته يومين المهم شوي الا وخلود الكريه قالب الدنيا ليه وكيف ووشلون( يا كرهي لها المخلوق غثيييييث) وبعد نقاش حاد فهمته اني مالي ذنب والذنب ذنب مهوي وقعد يدعي عليها وجعلها وجعلها وهي على الدرج ميته قهر لنها موب قادره ترد عليه وبعد ها الاحراج جاء احراج البنات في الليل كله وكلهم يضحكون علي وان طلال يمكن يغرم فيني تئثرو من كثر الافلام الهنديه و مارقدت الاوانا ميته من القهر .
وقعدت ثاني يوم العصر وانا رايحه المطبخ اسمع جدتي توصي خلود يودي اغراض لعمتي في السيلين قلت في نفسي ليه ماروح معه من زمان ماشفت عمتي ساره وطبعا اذا قلت للغثيث بيقول لا وش الحل المهم فكر وفكرت( ولئن ذكائي محطم الارقام القياسيه )قلت اروح وهو مايدري رحت لخواتي وقلت لهم وطبعا هم مع الخيل ياشقرا قلت لهم لايقولون لبنات عمي ادري فيهم نحيسات يقعدون يقولون ياليتنا ما نتغطى ونروح معكم واخاف يصكونا عين. المهم وجبنا شرشف وانخشينا تحته في شنطه السياره وانتظرنا لين جاء خلود وجا بسرعه وشغل المسجل وراح بسرعه وحنا في الشنطه نلعب اكس او قلت هين ياخلود وش ها السرعه الوعد عند ابوي المهم طال الوقت ولا وصل نصف ساعه ساعه شوي الا وانا في البر ويرقا على عرق طويل الواحد يبي ساعه لين ينزل وساعه لين يرجع ونزل ابو الشباب
وقعد قدام السياره وراح الوقت والاخ يتئمل الغروب ما اذكر انه رومنسي المهم طول قلت اهو بيدري انا معه خلى نسويله مقلب يبطي وهو في قلبه نزلنا وصقعت الغبيه ندوي في الباب قلت حرام راح المقلب بس الاخ كلش ناسي الدنيا (جاه فايروس من ندوي) وقربنا
و من وراها حطينا عليه الشرشف ولميناه وربطناه زين وهو يصيح ويصارخ من انت من انتو ونقعد نقول وعععععع وععععع وععااااااععا وندحرجه من فوق العرق يعني يبي له ساعه لين ياصل ونضحك ونستانس وتبرد قلبوبنا وهو ماقدر يطلع من الشرشف و حطينا عباياتنا عشان ما تتغبر واحنى بروح لعمتي ونزلنا ونقعد نستعبط عليه وهو ساكت ونقوله احنا ارهابيين وحراميه وبنخليه وبنسرق سيارته لين طلعت عينه وهو مايرد ونفك الشرشف الا والمصيبه واااااااااااااااااااو طلع طلال ولد عمي ناصر وشافنا وكنت انا اقرب وحده ولاشعورياَ كفخني لين تفلت العافيه ويدعي جعلس الصرطان والحادث والموت وكل مايطري عليكم من مرض وخواتي الاغبيا يطالعوني و مبطلين ثميهم وهو يقول موب كفايه البارح حراااام عليس ويصارخ علينا ويصااااااايح ونروح نركض نركض بس وين العبايات على العرق وهوشبع من مطالعنا
( بس مااعتقد لن حالته يرثا لها) ووصلنا و هو ورانا وشكله غلط عيونه حمر وعرق مليان رمل وصورته ندوي وهو معصب ويشتم ماخلى احد ماشتمه وتهورت ريوم قعدت تهاوشه وتقوله انت ماخذ سيارة اخوي وبعد لك وجه وصارت هي تشتم وغسلت شراعه وهو يصااااارخ وهي تصارخ قال انه كان زعلان من ابوه وجابسرعه شغل سياره خالد المهم قال والله لاقول لخلود وبعد ازحمه اللي مسوينها وفجئه لاشعوريا قعدنى نترجاه مايقوله (على بالنا محد راح يدري)
وفي نفس الوقت كانو اهلي قالبين الدنيا يدورونا ويكلمونا والارسال مقطوع ويودينا طلال لعمتي ساره ولا لقيناها كانت رايحه لهلي بتروح وياهم يخيمون في البر ونروح للبيت وفي الطريق ومبايلي ما وقف يرن ويرن واحنى مالنا وجه نرد ويكلمهم طلال ويقولهم السالفه ونصول الساعه 10 الليل اول ما وصلنا رحنا بيتنا على طول والقا ابوي معصصصصصصب حده وامي بس امي تهون عند ابوي قال وش مروحكم الا واللعينه ريموه ناطه وتقول انا مالي شغل كله منهم ماخذيني غصب وتئلف ذيك الحكايه وتطلع برائه (بنت اللذينا )ويحط ابوي كل اللوم علي انتي الكبير ه وانتي القدوه وانتي العاقل وانتي وانتي وانا رحت فيها غسل شراعي وكملها الغثيث خلود وجا يهاوش وزاد الطين بله واللعين يدري شكثر احب البر قام واقترح على ابوي يعاقبني ولا يخليني اروح معهم للبر اهو قال كذا وانا جاتني جلطه ولا شعوريا نطيت قدامه وقلت بصوت عااااااااااااااااالي ليه جعلك المرض وقال
ابوي هو صادق مافيه مراح اقعدي انتي وندوي قالت امي وخلو نصور عندكم علشانه عنده ربو والبر يئثر عليه والغثيثثثثثثث يضحك مستانس حده وانا كنت مقهوره موووت وادعي من قلب انهم مايستانسون وهم يجهزون اغراضهم والحقيره كل شوي جايه عندس كاب ومره عندس نظاره قلت اكلي تبن ورحت ارقد (لأني ماتحمل اشوفهم يجمعون اغراضهم )اما ندوي الخبله ماعندها مشكله تقول الحمد الله بيصير الجو هادي .
وفي اليوم الثاني
وراحو اهلي وخلونا قالو بيردون بعد 3 ايام ماقعد في لبيوت كلها الا اناو ندوي ونصوري والدريول بيت عمي فيصل و شغالتنا بس .
طبعا انا قاعده بدري عشان اكتب وصايا امي ومتى ياخذ دواه الشيخ نصور I ومتى يرقد ويروح النادي وياكل ولحد يزعله ولا احد يقوله شي وامي راحت منها وانا قطيت دفتر الوصايا على ندوي وانطلقت اللعب بليستيشن لين الظهروفي الجزء الاخير من لعبة لتل شيكن وانامتعمقه
ويرن التيلفون 

واقول ندوي ترد ولاكن لاحياه لمن تنادي قاعده تلعب
اكس او o ويانصور مالت عليها واروح انا ارد يطلع عمي سلطان يطمنا انهم وصلو ويقول عساكم ماخفتو علينا عشان ماكلمناكم ( مسكين مايدري اني نسيت انهم راحو) والااعطيه فرصه يتكلم حراااام عليكم ماتخفون ربكم موب كفايه مارحتوبنا معكم بعد تقلقونا عليكم قاعدين نحاتيكم ونتو ولاعلابالكم قسم بلله انه حرام .
المهم كان الصوت يقطع ولاعطيت عمي فرصه يتكلم لاني اسمع صوت وراه( اكيد هاذي ادبه بنته شيخوه تبي تحرني واسمعها ترطن واكيد عمي بينقلي كلامها عما بعينها )
المهم ماعطيته فرصه يتكلم ويحاول ينقل كلامها وانااتكلم بسرعه مابي اسمع كلامها ويعصب عمي
ويقول: على ترااااب خليني اتكلم واسكت وانا داخلي غل وقهر
قال: ترا مانقدر نكلمكم الا اذا رجعنا
قلت: احسن
قال: هاه
قلت :كمل توه يقول شيخه الاويبعد صوته ولااسمع شيقول كل الي سمعت منه ششخخخ يييي شششخخخ هههههه وسكر هاذا الي ناقصني شيخوه .ويستلمني
الشيخ نصور امي متى بتجي وابوي يقول بيبطون واطنشه واروح للمطبخ ابي اتغدا جوعانه
والقا المطبخ فاضي لاغدا ولااي شي يوكل وانادي الشغاله ولعن ابوجدها
قلت: ليش مايسوي غدا
قالت: ليس سوي قرقر واجد انا يسوي دايت ندا كلام مافي سوي غدا والروح لندوي
قلت: ليش ماخليتيها تسوي غدا
قالت: راح الدريول يجيب وادريول ماجاء الا لحين
المهم صليت الظهر وبدلت ملابسي لبست تنوره طويله وبلوزه بيضا مع اكسسوارت حمرا
وانتظر الغداى صارت الساعه 2 وابو الشباب ماجاء
طلعت عيني لين جاء وفي الخير جاب همبرقر وانا شفت الهمبرقر وبغت تجيني جلطه ابي كبسه 
واعصب وجعلكم الصرطاااان والحادث وانا معصبه حدي دق الدريول الباب يقول اخذو الفلوس الباقيه ومدخل يده مع الباب وجي بسسسسسرعه واسكر الباب على يده قال: وععععاااااااااعععاااااااهااا شنو هازا واجد كريزي قالها بصوت فجر اذني وابطل الباب اضربه بشحاطي على وجهه
قال: ليش ماما ليش انا شويسوي هوقالها من هني وانا تورطت 
قلت: ليه يشتر همبرقر
قال: ناصر كلام
واروح لصاله ولقاهم ماكلين الهمبرقر كله ونصور ماكل همبرقري واشوفه وماصدقت وادور بين القراطيس كون اللقا شي بس مع الاسف مافيه الا قطعت شبس طايحه من ندوي واجي قدام وجه نصور اصيح ليه تاكلهااااااااااا بصوت عاااالي
ويقعد يبكي و
يقول :انتي تبين رذ طبعا هو ماينطق السين عدل وهوقال رذ من هني واضحك عليه ضحك هاهاهاههها رذ رذرذرذ يالطرم هههاهاه لطرم رذ ويقعد يصيح ويبكي ابي امي وانا اضحك واقول رذ طلعت قهر الغدا عليه وقهر طلعت البر شوي الا وكف على وجهي من ندوي وتقوم الحرب العالميه الثالثه وكف وبقس وشوووت وعض واقبص وشووووش ومشخ وانواع اللعن ولا خلينا شي ماقلناه واستمر الهوشه ساعه لين فككتنا الخدامه بعد استنجدبها نصور بها.
المهم صرنا بعد العصر وروح الدريول يجيبلي غدا
و اقوله: كمار روح جيب نص دجاجه على الفحم
قال : لا انا يروح سفر اللحن وانتا سم سم غنم سمسم دجاجه على الفهم انتاوانتا.
ولاخلا كلمه هنديه ماقالها وتفل على الباب وراحو
واروح بسرعه فوق الصطح واراقبه اشوف وين بيروح عشان اللحقه اغسل شراعه الا وابوالشباب مجمع اغراضه ويحطها في الغرفه وهو كان مطلعها وطلع وراح
واروح بسرعه واسكر البيبان البيوت كله واقفلها واروح فوق اقول لندوي اقولها ولاكلمتني محاربتني واقعد اراضيها قالت: اعتذري من نصور
قلت: اوكي و ننزل نقعد في الصاله وتسوي لي الشغاله غدا اقصد عشا لنا صرنا بعد المغرب سوت العشا وتعشيت شوي الا وشي اسود ورا الدريشه ويرن اتيلفون وارد وطلع ابوي وبعد صوته موشوش ويالله سمعني
وقلت: له عن الدريول
وقال: بتصرف لاتخافون وتويتكلم انقطع لرسال وشوي ويرجع الشي لسود مع صوت يشبه صوت العنز والنادي الشغاله ونقعد كلنا في الصاله وهو في الحوش كل شوي في مكان نروح لغرفت الجلوس و نقفل الباب وصوت يخرع برا شوي ويدق الباب انا
قلت: سكني او جني وندوي
تقول: قطوه

ونصور يقول: يمكن وحش من وحوش يوقي ( متئثر برسوم الاخ) والشغاله
تقول: ادعيه فلبينيه شكلها هي الجابت لنا السكون
قلت: يمكن الدريول يبي يقهرنا الحقير وادق عليه ويسكر في وجهي الا ويدخل علينامن تحت الباب شي احمر كنه لحم مفروم ويهتز الباب بقوه بدون صوت واحنى بموت من الخوف على من تصل على من التصل واتصل على الجيران ويرد ابوهم
وقوله: في حرااااااامي عندنا وانا بنت الجيران النايف والله يخليك بسرعه وننتظر نصف ساعه وساعه وساعه ونصف وابو الجيران ماجا وحنى في رعب اصوات وسوائل تدخل علينا الاوصوت برا طخطييخ طوووخ صوت ام الجيران وينكم يابنات
انا ام محمد الحمدلله ونطلع نصيح ونبكي
قالت :الحرامي في الحوش يطردونه العيال والصاله كلها معجون طماط شانبوهات ومسجل (اللعين اكيد الدريول ينتقم )ولا شسالفه ونطالع من الدريشه الاو الحرامي او الوحش يركض في الحوش لام نفسه في شرشف ابيض وحاط عيون سود نفس لشباح اللي في الرسوم
( شكله متئثربرسوم نفس الاخ اللي عندي) بس هلغبي قديييييم المهم عيال الجيران الثلاثه وراه لين حاصروه في الزاويه اللي ماسك عصا ولي معه مسدس ويضربونه الا الصراخه كنه بنت
قلت: يمكن تكون خدامه ثانيه متفقه مع خدامتنا .

وعيال الجيران يسحبيون الشرشف وتصرخ وتقول روحو انا راعيه البيت روحو انا من اهل البيت اطلعو نادو امكم وتصارخ ليلى تعالي انا .ويضربها واحد بلعصا ودزهم وتجي مسرعه وتقط الشرشف الاو المصيبه يمه تخرععععععععت يمه شيخوه الاوالله شيخوه واصرخ
انا اطلعو بنت عمي وطلعهم المهم ويغمى على شيخوه في الحوش وعيال الجيران يخزون وهم طالعين والبس عبايتي واجي مسرعه والم شيخوه في شرشفها وراسها كله دم ونربط راسها ونشلها انا والخدامه انا مع يديها والخدامه مع رجليه وندوي مع الوسط ونصور شال راسها ويجيب محمد ولد الجيران سيارته عند الباب ونجي نركبها ولا عرفنا كيف نركبها اول مره نشب راسها لأنا كنا نركبها ونصور ماسك راسها وواقف الدلخ . ومره نشبت رجلها في التاير مدري كيف وفي الخير ركبناها مقلوبه راسها تحت بما انه كان مع الدلخ ونركب كلنا في السياره ونوديها حتى ام محمد و الخدامه راحت معنى وفي الطريق كان محمد مسرع
قالت :ندوي بصوت واطي فشله خلى نعدل شيخوه
قلت :اوكي
وتونا ساحبين راسها على قدام ويمسك محمد بريك لأن فيه مطبه واطيح شيخوه على الثلاجه ونردها بسرعه
ونعدلها
وكان محمد طول الوقت يعتذر وندوي الخبله مطيحه ميانه وتعتذرله وتذكرت عمي وكلامه عن شيخوه كان يبي يقول انها موجوده .
المهم وصلنى مستشفى حمد و خيطو راس شيخوه ويوم طلعنا
قالت: ام محمد انتظروفي السياره بنجيكم
قلت :اوكي وراحو قلت للخبله الدبه شسالفه
قالت :اهلها نسوها راقده وماقامت الا المغرب
قالت: محد جا ولاسئل عنها اكيد ماندري وجات الاخت وارعبتنا وصار اللي صار.
وجات ام محمد وياولدها محمد
قلت: شفيكم عسا شيخوه موب ميته ولا بيصير لها شي قالت: لا السالفه هي النس دقيتي على ابو محمد وجابيطب عليكم قام زلق وطاح واللحين هو مرقد هني وانقعد نتئسف منهم كلهم و
نقول: لهم السترو ماواجهتم من دبتنا والله لحد يدري من الشباب عن شكلها ان تعنس ونرجع البيت الساعه وحده ونطلب عشا و
اقولها عن الدريول ونتمصخر عليها شوي اعيد كل الكلام اللي قالوه لي يوم شافني طلال على الاقل طلال واحد من العائله موب ولد الجيران ونتعشى ونسولف
ونروح نجلس فوق السطح لين الساعه 3 شوي الاوليت غرفه الدريول مبطل الخايس عنده مفتاح البيت وبعدين طفاه عاد انا مقهوره منه مووووت قلت لازم انتقم منه قلت خلنانلبس ثياب عيال ونجيه وهو راقد ونطقه لين يحب الارض اناو ندوي لبسنا ثياب خالد اخوي والدبه شيخوه رحنى ندورلها ثوب في غرفه اخوانها وانا اقلب في اغراضهم لقيت مسدس وخذيته.
طبعا انا في الثوب طالعه لبناني وندوي سوداني اماشيخوه كيس طحين المهم خذينا كشافات وحبل بنربطه لين يجون اهلي ونروح لغرفته بعد ماتئكدنا انه راقد وندخل بهدوء ونلقاه في الحمام ونخلي الليت مسكر ننتظره لين طفى ليت الحمام و طلع على نور الجوال الظاهر مايبينا ندري انه جاء
وانا كنت وراه واضربه بعصا بروش بكل ماعندي من قوه ويطيح وينقزوتطيح كل اغراضنا من الخرعه ويضيع المسدس في الظلمه ويقوم اهو ويسوي ذيك الحركات ولا جاكي شان يسويها
ويكوفنا ويطقنا لين حبينا لرض كل هلحركات في الظلمه على نور الجوال كل وحده طايحه في جهه ويبطل الليت وتكون المصيبه طلع طلال وناظرنا نظرات احتقار
ويطيح ويغمى عليه و نتورط كله دم وطايح في غرفه الدريول شنسوي به ؟؟؟؟؟؟ ونكب عليه ماي وشوي ويقوم وعلى طول قال الذلفو جعلكم المرض ونطلع بسرعه نلبس عباياتنا ونرجع ونلقاه مغمى عليه ونوديه لصاله بيت عمي نايف قلنا وش نسوي وش نسوي
قالت: شيخوه انها تعرف تسوق خل نوديه للمستشفى وفرصه انها تسوق قلنى لندوي خليس عنده لين ندور سياره
ونطلع برا ندور سياره الا وصوت الدريول الحقير برا يقول غرفه مني معه صديقه قلت لازم انتقم منه لازم اطقه لكن صديقه معه شسوي شسوي ونجيب العصي مالت البروش انا وحده وشيخوه وحده انا وقفت في غرفه الدريول معي المسدس وشيخوه عند الباب
قلت: انا بضرب اول واحد وهي الثاني طبعا من ورا نفس طلال (صارت عندنا خبره) ويدخل صديقه وتضربه الدفشه لا مغمى عليه (ضربته من قلب) قبل يدخل الدريولنا ويشوفه الدريولنا وينحاش ونخاف قلنا خل نربطه لين يقوم بس كان هندي صح نفس لفلام وسيم وجميل وشعره طويل (هاريه بسيشوار )
هنود اخر زمن لا وحاط سكسوكه يعني على الموضه
بس كشخه مدري وين متعرف عليه كومار منه شكله موب دريول شكله يشتغل في مكتب.
المهم نربطه صح ونسكر ثمه بشطرطون عريض قلنا بنخليه لين يجي كومار ينقذه ويقوم الهندي اللي عندنا
قلتله: وين نفر يروح
قال :امممممممممم لن ثمه مسكر
قلت: انت يقعد هنى لين يفطس انتا او يجي كومار معلوم ايش انا كلام
قال: اممممممم المهم شوي الاسعاف جايه شسالفه ياربي شسالفه
قالت: شيخوه اكيد ندوي عسا طلال مامات ونروح لندوي قالت: ان حالت طلال صعبه وهي خايفه عليه واتصلت على الاسعاف  وتاخذ طلال الاسعاف
ورنجع على الهندي
قلت: بطلع قهري كله فيه واصقع اللفه واتربع قدامه وتشبك شيخوه واير الكهرب من جهه وتجيب الجهه الثانيه تروعه بها
قلت: شوف رفيق انتا لازم كلام وين يلقى هاذا نفر ولا الحين سوي كهرب داخل عين انتا
قلت: انت معلوم دجاجه انتا سيسيم انتا معلوم عنز انت سيمسيم وهو ازعجنا اممم امممممممم ونقعد نتمصخر
شيخوه تقول :انتا معلوم جون براهيم هاذا داخل هنديا شوف رفيق انتا روح هند سوي سلام جون اوكي
ويوم خلصت ضربت راسه بالطوفه وقالت عشان انتا ماينس سلام (ارهابيه شيخوه)
وقلت انا:انت في سيستر سيم سيم انتا انا يبي خدامه جديد
شوي الا وندوي جايبه كمره تصور معه
قالت :امانه فكي ثمه لين اصور معه
قالضميري انتي اختها الكبيره انصحيها لحد يشوف الصوره بيقول من ذاه )
قلت:الله يخليك لي يا ضميري والله انك صادق
واخذ الكيمره من ندوي واضربها في راس الهندي ابيها تخرب
قال الهندي:اممم "معاد هوب طيب"
وكان شكله يكسر الخاطر
قالت:ندوي امانه فكوه خلاص
قلت :الذلفي شوفي نصورI وينه وراحت
الا وشيخوه جايبه المسدس وكل شوي ادخله في عينه وتمصخرنا
عليه لين الساعه 8 الصبح وهو معلق اممم اممم اممم ولاخلينا شتيمه ولا لعنه ماقلناهاستانسناعليه
ونعسنا قلنا بنخليه لين الظهر لين يطلع طلال يتصرف معه الا وقام يتهزز ويقول اممم اممم امم
قالت: خلا نفك ثمه كنه يعرف يتكلم اول
قالت شيخوه :لالالالا خليه يفطس عشان اذا شاف كومار يقوله عن العذاب اللي شافه
قلت : خافه بيقولنا وين كومار.
قالت شيخوه :اصبري شوي
وقالت له اذا انت حبي رجل انا انا يفكي
وكنه عصب
قلت :نفكه ابي ارقد
قالت :خلاص

واول مافكاناه قال الله يلعن والديكم وجعلكم المرض ماتستحون على وجيهكم
قلنا: يمه وطقينا داخل وهوكان مربوط عند باب الشارع سمعت صوته ندوي وجات
قلت كنه قطري
قالت ندوي يمكن متجنس ونطالعه مع الباب وهويصيح برا فكوني الله يلعنكم فكوووووني انا صديق طلال
يا طلال طلال فكوني قلت وش تبي جاي قال كلمني طلال يبيني اوديه للمستشفى قال انه في غرفه الدريول وبعدين انقطع الخط وين طلال فكوني يالله بسرعه قلت لحظه شوي بنادي الشغاله تفكك
قال: ياسلام من الصبح وانتي طايحه قدامي تسولفين حتى غشوه ماعليس والحين استحيتي تعالي بسرعه يالله والا خلي الدبه تجي تفكني بسرعه فكوني وتنجرح شيخوه وتقول: بصوت عالي افكك زق كبر راسك وتقط عليه المسدس لاموقع في جبهته لمغمى عليه ونتورط مره ثانيه شنسوي به ؟؟؟؟؟؟؟
ونكلم الاسعاف تاخذه واول ماجات الاسعاف قال الدكتور شقصتكم اليوم كل شوي واحد مطقوق عندكم
قلت :تعرف اللي خذيتو قبل شوي
قال :ايه
قلت: متهاوش ويا ذاه بس ذاه قوي شوي قدر يتحمل .
وراحو
ونروح نرقد واقعد الساعه تقريبا9 في الليل واقعد البنات وحصل الشغاله مسويه عشى
قلت: وين نصور I
قالت :في بيت ثاني مع باب طلال
قلت: روحي جيبيه شوي وجابته
قلت: شلون طلال
قال: تعبان جدا وامه وابوه
بيجون قدهم في الطريق والجيران من الصبح يصارخون مدري شفيهم وراحت ندوي اطل
قالت: عندهم سيارات واجد
قالت: شيخوه خلى نروح نشوف شسالفه جيرانا فشله مانجيهم.
ونلبس عباياتنا انا وياها ونروح لهم اول مادخلت وشلت الغشوه الاوامهم
تقول: برا ياحراميه برا الله لايوفقكم برا جعلكم المرض برا ذبحتو الرجال ذبحتوه حسبي الله عليكم برا عاد انا قلت: مات صديق كومار اقصد صديق طلال يمكنه ولدهم قلت: موب انا والله هاذي شيخوه قاطه عليه وتضربني امهم بلمخده اطلعو جعلس المرض انتي والبقره المنتفخه اللي وراس برا ذبحتو ابو محمد الله لايوفقكم وواتذكر الشايب ابو الجيران حراااام مات يوم طاح من الجدار حسبي الله على شيخوه القاتله المهم
و نرجع واضحك على شيخوه واعلم ندوي ونضحك ضحك عليه ونقولها يامجرمه ياقاتله شوي الا وداخله علينا ام طلال معصبه وتضربني كف
وتقول: حرام عليس ماعندي الا هلولد وبتذبحيه كل يوم طاقته يلي ماتستحين يا حيوانه وياكلبه واضنها وسط الدعاوي كلها قالتلي انتي سيم سيم دجاجه .
وتغسل شراعي

قالت: هاذي اخر مره تعرضين لولدي فيا سامعه وانامنصدمه وقاعد اطالعها
قالت :لها ندوي هو وش جايبه في غرفة الدريول هاه قالت: انتو وش جايبكم في غرفة الدريول يا اللي ماتستحون هاه وبعدين طلال مرسله عمه ابو خالد ابوس يوم قلتي له عن الدريول مالت عليكم.
وراحت واقعد نصف ساعه منصدمه مش مستوعبه شوي الا البقره المنتفخه متقطعه من الضحك
وتقول :تستاهلين واشعر بلاهانه وتنجرح كرامتي واقعد
(قال ضميري انتقمي ولملمي باقي كرامتس)
واقعد ابكي واصيح من القهر اللي فيني والبنات كانو يضحكون قعدو يواسوني وصبروني وفجئه قررت اني انتقم من الحيوانه ياربي شسوي ؟؟؟؟ لازم انتقم لكرامتي المجروحه شوي ويجي عمي
قلت: اللحين بيلعن خيرنا اول مادخل
قلت: له اناسف وادري ماعندك غير طلال لكن كلشي غصب عني طقيته هويا صديقه بسبة الدريول
قال :هاه صديقه واكمل وابو الجيران مات بسبه شيخوه
قال :ابو الجيران مات بسبه شيخوه شسالفه واقعد اشرح كل شي من طق طق لسلاموعليكم ويناظرنا نظرة احتقارقد مرت علي ويروح واحس بذنب وفي نفس الوقت افكر في الانتقام لكرامتي ويوم جات الساعه 1الليل الاوام طلال جايه وبنفس خايسه
قالت: طلال ويا ابوه راحو للمستشفى ويمكن يرقد طلال ولايطلع الا بكره
قال: ابو طلال اقعد عندكم لاترتكبون جريمه بعد لان شكلنا عايشين في شيكاغو
قالت: ندوي كل هاذا غصب عنى قلبت عيونها علينا وقعدت تقرا كتاب جايبته معها
واقعد اناظرها بحقد وقهر وبعد ساعه
قالت :انا نعسانه وتعبانه من الطريق ابي ارقد ولا اقدر اخليكم بروحكم يالله ع النوم
قلت :لا تونا قاعدين من النوم مانقدر نرقد
قالت: باروح الرقد نصور واجيكم وراحت جعلها المرض وانا قعت بحسرتي واروح بسرعه واجيب ابره وادخلها في الكنب عشان تقعد عليها ام طلال والبنات يقولون لا تكفين كفايه اللي الصار
قلت :على تراب خلوني اثئر لكرامتي وتجي ام طلال قلت :في نفسي اخيرا بتبرد كبدي وماجلست
قالت: باروح اجيب كتب وافلام تتسلون عليها لين تنعسون
قلنا :اوكي وراحت وخذت ندوي معها
شوي وجاو حطت الكتب عندنا وراحت تخمد واخذ الكتب واقطها هاذا اللي قاصرني ماصدقت اخلص من المدرسه تجيني بكتب واشغل اول فيلم قلت يارب يطلع هندي ويطلع وثائقي( كيف تحمي نفسك من المشاكل) واحط الثاني ويطلع وثائقي عن تربيه الحيونات واحط الي بعده ونفس الحكايه جعلها المرض ذابحتها الثقافه المهم ونروح للمطبخ نسوي حليب ونجيبه قدام tvوبين ماحنى نسولف شوي ونسمع صوت غريب برا
قلت: شذا الصوت هالحزه الساعه تقريباً 2 ونص نروح نشوف ولاشلون وفي الاخير قررنا نروح نشوف وطلعنا مافيه شي غريبه والصوت من وين جاي
قلنا: خل نقعد ام طلال لاتصير مصيبه ونتورط ونقعدها ونقولها
المهم جات وجلست في الصاله وترقد
قالت: اذا سمعتو الصوت مره ثانيه قعدوني وننتظر الصوت مره ثانيه ننتظر ننتظرلكن ماعاد سمعناه
قلت: خلى نلعب على ام طلال شوي ونصيح بصوت عالي ونروح نركض وتنط ام طلال من على الكنب من الجهه الخلفيه وطيح وتقعد تصرخ وتحبي تحبي ماعاد قدرت توقف من الخوف ونجي احنى
قالت: وش فيه
قلت: الباب قبل شوي تبطل وتسكر وتقعد على الكنب وهي تتئلم من يدها شوي الاوعمي ناصر جاي
قال: رقدو طلال في المستشفى
وتقوله ام طلال السالفه كلها ويوديها للمستشفى الساعه 4 ويقعدون الخبلان اللي عندي يحسسوني بذنب
قالو: اكيد يدها انكسرت
قلت :من زود الرقه عند ها
قالت شيخوه :الكنبه عالي الرتفاعها تقريباً متر وشوي قلت احسن ليت يجيها شلل رباعي و بعدين انا مرتاحه نفسياً وسعيده للغايه مكيفه على اخر لاحد يزعجني بالمثاليه الزايده والمهم صارت الساعه6 رجعوو يد
ام طلال مجبصه وهي تحلطم انا معزومه عندي عرس وشلون باروح كيف اتحرك وكيف الرقص وشلون شكلي (استغفر الله كنه رجلها المكسوره موب يدها)
قال: عمي قعدي الشغاله تسوي لنا حليب والروح لشغاله ماحصلتها
قلت: نازل عليها الوحي قاعده بدري والدورها في غرفتها في دورة المياه في المطبخ في الحوش في البيت كله لكن مافيه امل والروح لعمي ناصر
واقوله ويدورها معنا المهم ساعتين وحنا ندور لكن للأسف مافيه امل وعمي كان معصب حده لانه بطبعه عصبي ويقعد يصارخ علينا انتو مهاوشينها وانتو مخربين وانتو مخربين وانتو وانتو في الاخير
قال: يالله جيبو نصور خل نروح لبيتي وراحت ندوي تقعد نصور وتجي تركض
تقول: مالقت نصور ولقت رساله مكتوبه بلهندي ويقعد عمي يصارخ ويقول اكيد الشغاله خذته معها وندوي تبكي وانا( كان ببكي لكن مالي نفس لا لقيناه بكيت من الفرحه) . و شيخوه كانت تبكي من الخوف من عمي وعمي كان واقف ويصارخ ويصارخ وجلس عمي بكل ماعنده من قوه اول ماجلس نط نطه اتحدى ابو الكنغر ينطها قويه حيل وراح يركض صوب الباب ويديه على مؤخرته وام طلال ورها
تقول: وشفيك وشفيك ونلحقهم واحنى متقطعين من الضحك على شكل عمي
ونقول: الله كبير ويدخلون دورات المياه اللي في الحوش ونفكر وش السالفه واستنتج اني كنت حاطه ابره لأم طلال واخذها عمي( بنيابه صدق انه وفي) ونقعد ربع ساعه ويطلعون قلنا عمي سلمات وشفيك
ويناظرنا نظرات اعرفها ويروح
قالت :ام طلال انه كان يرجع لأنه تعبان من البر
قلت: واضح حتى يديه كانت على ثمه وهو يركض
قالت: هاه
قلت: ولاشي
ونروح بيت عمي وراحت ام طلال جابت خداماتهاودريولها من عند اهلها .
المهم صارت الساعه 9 وحنا ننتظر عمي يجيب لنا خبرعن الخدامه ونصور وكلمت ام طلال عمي وسئلته قال :ان الخدامه طالبه خمس مئه الف ريال قبل المغرب ولاانسو نصور ونه كلم ابوي وكلهم جايين في الطريق .انا تورط وش اقول لهلي وياويلي من امي يارب وش اسوي اللوم كله بيجي علي ولا الدبه ماعليها شرهه والخبله الثانيه ياربي وش اسوي ولاكيف التصرف قلت لازم يصير فيني شي عشان اكسر خواطهم ولا احد يقولي شي شلون اتصرف يشفطني كهرب اخاف اموت
اجل اطيح مع الدرج اخاف التكسر واصير معاقه
انحاش من البيت اخاف اصير مشرده
انط من الصطح يمكن اموت
ياربي وش السوي
الوقت يمر واهلي قربو وش اسوي
خلاص لقيتها بنخش وين وين وين ياربي ايه بنخش في بيت جدي ولانيب قايله للغبياء اللي عند ي لأنهم بيقولون بعد احنى بننخش لكن بيت جدي اكيد اول بيت بيدوروني فيه
اجل بنخش في بيت واحد من عماني وين وين وين ياربي ايه بنخش هني لارقدو البنات رحت اسوي بروفات على المخش الجديد المهم الساعه 9ونص
قالت: ام طلال ان عمي
يقول :الرقدو لأنه خلاص قدر يحدد مكان الشغاله وانشاء الله بيصيده
تعالو فوق الرقدو في قسم الضيوف واذا قعتو من النوم دقولي يمكن اكون راقده دقو للخدامه نانا عشان طلال ممكن يطلع بعد المغرب ممكن موب اكيد اذا كان موجود تقولكم ماتطلعون
والحين يالله تعالو نروح نرقد وبعدين رقتهم كلهم وتئكدت ان ام طلال راقده رحت اتمشى في البيت وابحث عن مخبى واحصل عندهم غرف واجد اف ماعندهم الاطلال وكل ذا الغرف عندهم وعندهم جم ومكتب شكله مكتب عمي باروح اشوف يمكن يصلح لي مخش
وادخل المكتب كبير وحلو وادخل في اول درج
قلت: بقعد فيه شوي اجرب واناقاعده حصلت صندوق صغير شكله حلو شوي الا وصوت واناماحب الاصوات ويقول: خلاص لاتهتم بادبر الفلوس كلها واذا ماكفت باخذ من عند طلال ولايهمك وبنتك لاجيت حاسبها على كيفك يمه صوت عمي اكيد يكلم ابوي ياويلي شوي
بدا عمي يبطل الدروج كنه مضيع شي ويبطل عمي الدرج اللي انا فيه ويجيه اتصال ويسكره بسرعه ولاشافني ويخليه مفتوح شوي ويدور في الدروج وهو مستعجل ويكلم
قلت: خلى اطلع قبل يمسكني بلجرم المشهود واراقبه لين دخل في غرفه صغيره في المكتب واطلع بسرعه وادخل اول غرفه قدامي واسكرها واف يمه الصندوق معي يووه نسيته معي اللحين شسوي ياربي واطالع عمي لين طلع من المكتب ويجي صوب الغرفه اللي انا فيها ياويلي وين الروح ياربي وادخل تحت السرير ويدخل عمي ويقعد يتعبث في الدروج واطيح منه ربطة فلوس على الارض ويدنق ياخذها
قلت: يمه عساه مايشوفني شوي يطلع عمي واطلع وراه الاوالشغالات جايين ياليل وش اسوي واركب على كبت مال السرير يعني لابق فيه من عند راس السرير وانبطح وصندوقي معي ويدخلون الشغالات يقعدون يرتبون وهم يرتبون بطلت الصندوق القى اوراق مزارع والقى عقد زواج لكن موب زواج عمي من ام طلال زواجه من لولوه ياويلي يعني عمي متتزوج على ام طلال من23 سنه احسن اصلن كيف يقدر يتحمل ها المعقده مالت عليها واسكر الصندوق واحطه شوي ويدخل عمي وياطلال جعل طلال المرض
ذا وقت يطلع فيه( والخبله امه تقول بيطلع بعد المغرب ) ياربي وش اسوي ويرقد طلال على السرير واتورط انا المهم طال اليوم والاخ مارقد ابي اطلع وهو قاعد يكلم شوي فرنسي وشوي لغه ماعرفها الساعه صارت 11طول ونانعسانه واغط شوي واظرب الصندوق لاطايح على راس طلال ويقعد يتئلم وانا خايفه مووت لايشوفني ياربي شسوي ؟؟؟

المهم بطل الصندوق وقعد يقرا الاوراق شوي قال لا لا لا كيف ماصدق ليه يايبه ليه يارب ويقعد يبكي ياي شكله حلو وهو يبكي كنه بنيه
المهم الرومنسي قعد يبكي ويتألم المهم غفيت شوي ولاشعورياًواناراقده طحت على طلال على صدره وكعب رجلي جافي وجهه اعتقد ضرب في خشمه واقوم واطلع بسرعه وهو
يصيح ويقول: يمه يبه ويصيح والروح انا للقسم ونخش في فراشي المهم شوي واسمع صوت عمي يقول وشفيك وصوت طلال يتألم ويوديه عمي للمستشفى ويجي الساعه 2 واناقاعده على اعصابي واسمع صوت عمي يهاوش الخدامات وصراخ مدري شي يصير يارب عسا طلال مافطس كنت قاعده ونعسانه حدي يارب وش اسوي ابي اعرف شيصير برا شوي وتدخل ام طلال تتئكد انا راقدين وتطلع المهم انا ماقدرت اقاوم النوم ورقدت وقمت ا لساعه 12في الليل حصلت كلشي هدوء والبنات مو هنى مافيه الاانا بروحي طلعت الصاله مافي احد يمه وشصار
قلت: لايكون طلال ودع ومسوين عزا في بيت جدي وبعدين تذكرت اهلي وينهم الروح للبيت اخاف ابوي هناك ويلعن خيري ياربي وش اسوي
قلت: خل اتأكد ان طلال حي واروح لغرفته واسمع صوته وياعمي يتكلمون
عمي يقول: هاذي حياتي وانا حرفيها
وطلال يقول: شلون تخدع امي وصراخ وصراخ واظاهر عمي ضرب طلال كف وطلع عمي لقاني عند الباب
قال: من متى وانتي هناه هاه وشكل عمي متورط حده
قلت: ليه انت وش قلت هاه تلخبط
و قال: هه ااااا تعالي معي للمكتب
قلت: اوكي ونروح للمكتب قال وش سمعتي بضبط
قلت: ربع كلامكم وانا اسفه ماكان قصدي قال خلاص اناباقولس سر وامانه احفضيه تكفين تراني اثق فيس
قلت: في( نفسي غصب عنك تثق فيني)

المهم قال: ام طلال ماتقدر تجيب غيره وتزوجت بسر قامت الخدامه الحقيره كانت سارقه الصندوق اللي فيه لوراق على بالها ان فيه فلوس وكانت في غرفت طلال تدري فيها فلوس ويوم دخل طلال فجئه وهي في الغرفه تورطت وانخشت فوق السرير وموب قصدها طرحت الصندوق وكشفني طلال ثم طاحت فوق طلال الحقيره وكسرت 2 من ضلوعه والحين قاعد يحاسبني وضربته يوم رفع صوته علي واخاف انه يعلم امه وتكفين خلي كلامي ذاه سر يابنتي
قلت : انشاء الله سرك في بير ولايهمك وطلال ماله شغل يدخل في حياتك وهاذي حياتك وانت حرفيها واعطيه من ذا الكلام وفي الاخير
قلت: تكفا ياعمي توسط لي عند ابوي
قال :انتي اخطيتي ولازم تتحاسبين على اخطائس وخطائس موب هينه انا اسف
قلت: كن سرك لقى سلم ويناظرني نظرات اعرفها
قال :موب قايلس ابوس شي تطمني
قلت: الحمد الله الحين طمني لقيتو نصور
قال: ايه سوينا للخدامه كمين ومسكناها وهلس جاو واظنهم رقدو
قلت: الروح انا في امان
قال: روحي ورحت لبيتنا لقيت اهلي كلهم رقود والبيت هدوء دورت ندوي لقيتها في غرفتنا قاعده تبكي تقول امي وابوي مهاوشينها
قالت: ياويلس منهم المهم
قلت: بما اني طفشانه باروح اسوي تورته لأن اهلي جاو ارقع رحت للمطبخ حصلت قطوه عندها اسهال شكلها حلو لكن مخيسه ريحتها خايسه واطالع لا المطبخ كله خايس عاملتها فيه وانادي ندوي
قلت: خل نطلعها برا شافتها ندوي
قالت: شكله يكسر الخاط بعالجها وتروح تلبس قفازات واول ماجات تمسكها وانا كنت واقفه وراها نطت على راس ندوي ووصخت راس ندوي يااااااع. ثم نطت على صدري ومشخت خدي وطقت واخذ عصا بروش وادز وراها لين ضيعتها في الحوش والروح لغرفتي احط لزقات وندوي راحت تسبح بعد مخلفات القطوه اللي على راسها وارجع اسوي الترته
قلت: بسوي ترته بلفراوله واسويهاواحطها في الفرن جيت اسوي الخلطه حقت وجه التروته مالقيت فراوله ياربي شسوي؟؟؟؟ البقاله مسكره بيوت اعمامي اكيد فاضيه لنهم كانو في البر وين بحصل فراوله ولقيتها اكيد في بيت عمي ابو طلال اكيد ام طلال شرت اليوم الصبح والروح وقدني في الحوش
قلت: خل اكلم لايكون طلال الحين قاعد واتصل عليهم ويرد طلال
قلت :عندكم فراوله
قاله: هاه هلحزه من انتي
قلت: انا اااااا( قلت في نفسي لا قول انا ليلى بيهاوشني ) قلت: انا مها بنت عمك نايف
قال: والله مدري بس يمكن فيه الشغالات راقدين وانا ماقدر الروح الشوف
قلت: سلامات ليه عسا ماشر
قال: هه ااااا لا بس مريض شوي تعالي اخذي مافيه احد قدامس
قلت: اوكي ورحت
اول ماطلعت لقيت القطوه الخايسه عند بيت جدي رحت خذيت العصاو رحتلها شوي شوي بس شافتني وتدخل بيت جدي وادخل وراها وتدخل مني وتطلع مني وانا وراها من مكان لا مكان لين صارت الساعه 3ونص واناورها والله ماخليها وتطلع فوق الخايسه واطلع وراها وتنخش ورا الكنب الي في الصاله واحاول اطلعها وحاول ماقدرت وجيب حليب واحطه واقعد الراقبها شوي وتطلع تشرب واول ماجيتها طقت قلت: بسوي لها كمين واجيب كل الحبال مالت الستاير واسوي لها حباله على الدرج على طول والربطها في الدرج واحط الحليب على الدرج واخليها
قلت: برجعلها بعدين والروح لبيت عمي ناصر ابو طلال والروح للمطبخ ولا لقيت عندهم فراوله واخذ تفاح و الروح وانافي الحوش و لقي القطوه الخايسه عند باب الحديقه واخذ المقشه واضربها بكل ماعندي من قوه واضربها لا قايله مياااااااااااااااولا اسنان المقشه مقطعه بطنها ثم ودعت الحياه والرتحت نفسياً بس قرفت من منظرها كان يقرف دم وقرف المهم خذت التفاح واناراجعه سمع صوت في بيت جدي ورحت اشوف وتوني في الطريق شفت عمي جاسم شال جدتي وهي مغمى عليها ومسرع
قلت: شفيها
قال: طاحت من الدرج وراح
قلت: باجيب عبايتي والروح معك والروح لبيتنا والقا المطبخ يشب يمه وش اسوي يا ربي وشوي والقا ابوي جايب هوز الماء ويطفي النار وريموه قاعده تبكي ويانصور وتجي الاسعاف والمطافي قلت شسالفه وين ندوي قالو: اختنقت وراحت امي معها وتذكرت اني نسيت التُرته في الفرن ياويلي لايدرون
المهم ويرقدون ندوي في المستشفى
قال: ابوي شغلس موب الحين ياكبيره وناظرني نظره صرتو تعرفونها باروح الرقد الحين لأني تعبان ورجعو يرقدون الساعه 7 الصبح
قلت: باروح لبيت جدي انخش عندهم لقيتهم قاعدين يدورون من الي رابط حبال الستاير
قلت: ليه
قال :عمي وليد ان فيه احد جعله المرض وجعله الصرطان وجعهله وجعله رابط حبل لين طاحت امي وانكسرت رجلها وهاذيك موب طيبه
قلت: يا ليل وين الروح ياربي شسوي؟؟؟ لايدرون ذبحوني ورحت للبيت حصلت الخبله ريموه تبكي خايفه على ندوي
قلت: مافيها الا العافيه بلا اختناق
قلت: لها امي وابوي زعلانين علي
قالت: ياويلس من ابوي بيلعن خيرس وامي كانت عادي لين
قالها: نصور انه راح مع الخدامه عشان تعالجه من الطرم لأنس قايله له انه اطرم
قلت: لعنة ورطه ها وش اسوي ياربي غصب عني اللي صار المهم سئلتها شسويتو في البر
قالت: برقد الحين ولاقعت قلت لس
قلت: اوكي ويوم قدها بترقد
قالت: تكفين بطلب منس طلب
قلت: خير
قالت: صديق خالد واجهه في البر وعطاه قطوه
قال خلها عندك لين ارجع لأنها تعبانه وهوخايف عليها من البرد والحين القطوه في المخزن عطيها حليب مع شوي من الدواء للي جنب سلتها وهي كانت تتكلم وانا كنت من صدمه واقول في خاطري ياليل يابربي شسوي قالت: زين
قلت: اوكي ياربي شسوي كان غصب عني.والحين لازم يصير لي شي قبل يقوم ابوي يارب شسوي صارت الساعه 11 وناحيرانه وش اسوي ؟؟؟؟؟؟؟
ابي ارقد موب قادره اواجه الموقف وارتاح احسن لي بس ياربي وش اسوي لازم اشوف حل قبل يقعد ابوي يا ليته انا اللي في المستشفى ياليتني الروح لخوالي باروح لندوي في المستشفى بس ابي احد يروح معي واتصل في مهوي بنت عمي نايف واقولها تروح معي لندوي
قالت: اوكي تعالي ورحت لها
وقلت: لها المشاكل اللي انا فيها
قالت: اذا لقيت لس حل تنفذين اوامري لمدة 3 ايام
قلت: اوكي جعلها المرض مصلح جيه
قالت: اتصلي على امس شوفي كم رقم الغرفه وراحت تجيب عصير واتصل ولا احد يرد وتجيب مهوي العصير قلت: محد يرد
قالت :احسن
قلت: ليه
قالت :اشربي العصير بسرعه وذوقي عمايل اديا وحيات عنيا واخلص العصيروطعمه يجيب المرض( جعل يديها تكسر)
المهم واحنا في الحوش حسيت بدوخه واحس اني مااقدر اوقف وافقد توازني واطيح ويغمى علي واول مابطلت عيوني لقيت نفسي في.......... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
اذا تبون تعرفون

ليش اغمى علي ؟؟؟؟
وين صحيت فيه؟؟؟؟؟
ويش بيسوون فيني اهلي ؟؟؟؟؟
وياترابستر على عمي ناصر ولا السر بيلقى له سلم ؟؟؟
ويش نظره طلال لي بعد اللي صار؟؟؟

اول رد

لي رجعة بعد قراءة القصة زين مازين